O já! þið getið rétt giskað hvað ég fattaði hér fyrir örskotsstundu!! ÉG ER SODDAN MÚMÍNÁLFUR!! allavega líður mér oft og einatt eins og einhverjum béskotans álfi, hvort sem ég er í vinnunni eða heima...

Í vinnunni veit ég aldrei hvað ég má gera eða segja, kann mjög illa við að taka nokkra ákvörðun, því mér meira mentaðir starfsmenn gætu haft eitthvað út á það að setja sem ég ákveð... Þess vegna segi ég alltaf krökkunum "að spyrja einhverja aðra fóstru"... 

Og þegar ég er heima... já ég ætla nú ekki einu sinni að byrja á því, því það endar alltaf í rifrildi og ég get ekki beðið eftir að komast í burtu, þar sem er hægt að fá að vera í fýlu í friði í herbergi með hurð.

Alltsaman alveg hreint sjóðbullandi elskulegt!

En að öðrum enn hversdagslegri og ómerkilegri hlutum; ég er hreint út sagt LOGANDI hrædd um að vera brend lifandi einhverja nóttina heima í Bæjarsveitinni... Bandbilaðir brennuvargar sem að öllu jöfnu eru kallaðir bændur hafa orðið varir við brjálæðinginn í sjálfum sér og ákveðið í stundarbrjálæði að brenna sinu!! Og það eru nú ekki mörg ár skal ég segja ykkur, síðan  mamma og mamma Eyrúnar sátu sallarólegar inni að drekka kaffi en þurftu svo mjög skyndilega að hlaupa út með vatnsfötur til að slökkva í limgerðinu!! Svo það er ekki skrítið að ég sé hrædd um líf mitt... því ég hef alls ekki ætlað mér að brenna til dauða... og hvað þá í SINUBRUNA! .. og svo plús þetta þá er bróðir minn og systir með bullandi ofnæmi fyrir þessum reyk og þau verða bara veik... mamma er flúin í Reykjavíkina með bróðir minn svo hann kafni ekki, svo ég vona að mínir indælu nágrannar fari nú að hætta þessari vitleysu... þetta er ekkert sniðugt fyrir náttúruna hvort sem er, allavega ekki mörg ár í röð... Ekki hægt að hafa gluggana opna, nota þurrkarann eða fara út án þess að svíða í augun...

..og ég er að deyja í bakinu... er ekki frá því að ég hafi tognað, þegar ég var að breiða teppi yfir ofurlítinn krakkaorm... já þeir eru verstir og bestir þegar þeir sofa! En þetta hlýtur að skána... allavega áður en ég gifti mig... aftur.... hahahaha.. sJORINN!

...og að sorglegri efnum... Aumingja litla kindin hennar systur minnar missti fóstrið... eða réttara sagt fóstrin... annað var reyndar lifandi í smá stund, en dó svo. Alltaf svo sorglegt þegar svona gerist.. Eða það finnst mér allavega, þar sem þessi grey eru svo gott sem börnin mín... Enda er ég nú stundum svolítið kindarleg, svo það er kannski örlítill ættarsvipur... En Móra eer nú samt alltaf miklu brúnni en ég, bévuð!! ahahah... 

Er að nálgast hina fullkomnu meðalmannseinkunn í öllum mínum áföngum... og þeir eru að ég held allir yfir falleinkunn... Bara get ekki klúðrað ÍSL783, og ætli ég druslist ekki í gegnum Enskurnar tvær... En ÍSL633 er ennþá svolítið á gráu svæði... skila lokaverkefni um helgina, og tek svo fljótlega síðasta prófið... Æhj þetta kemur í ljós...

Ætla að senda umsókina í Lbhí á fimmtudaginn... Já þetta er allt að koma!

Ég er búin að fá vorhreingerningar-brjálæðið... tók til í eldhúsinu um daginn, klippti trén heima, fór í fjós, spjallaði við ömmu og er nú að heimta að fá að umturna stofunni, en það gegnur frekar hægt, því mamma heldur að ég brjóti eitthvað... en common, ég braut sömu styttuna tvisvar og gat lagað hana í bæði skiptin... TOPPAÐU ÞAÐ!!! aahahahhaha!... (var reyndar fermingargjöf sem mamma fékk hérna í den, en við skulum ekki tala um þaaaað....)

Kanarýblogg:D

Já ég var á Kanarý ef það fór framhjá einhverjum:D og það var svoooo gaman:D:D held ég skipti þessu bara niður eftir dögum svo ég gleymi engu:D

Þriðjudagur:

->vaknaði eldsnemma, fór til læknis, komin með veirusýkingu!
-> fékk einhver lyf og fór svo í bæinn með pabba... hitti alla í Kringlunni og fór svo með Sirrý, Maríu og Didda út á völl.
-> Kjartan alveg að meika það í ullarpeysu, stuttbuxum og gúmmískóm!!!
->fórum í loftið hálftíma of seint... jeiiii... í þvílíkt þröngri vél, var fegin að vera lágvaxin!
->vorum lent einhvern tíma... og fórum út að borða klukkan 1 um nótt og fengum GRÆNT LASAGNA!! ooog það smakkaðist ekkert sérlega vel, bara skrítinn dani sem gat borðað það..;)
->svo bara tékkaði maður betur á hótelinu, sem var ekki með læsanlegu klósetti!!svo það var sett upp sokksýstem, sem sé ef það var sokkur á hurðarhúninum þá var einvher á baðinu;) mjög sniðugt!

Miðvikudagur:
->Var vöknuð fyrir allar aldir, fékk mér sunddýnu og smellti mér í sundlaugina, með SÓLARVÖRN 30!
->eftir korter var ég alveg að stikna, og var þá orðin svona líka skemmtilega sólbrend á bakinu og aðeins á bringunni... Á!
->hafði sem betur fer keypt mér aftersun með aloe vera og María varð að gera svo vel að smyrja því á bakið á mér aftur og aftur...;)
->Fékk frekar óskemmtilegt gælunafn... Ætla ekki að minnast á það hér...
->Kjartan ældi á milli rúmanna Helgu ti ómældrar gleði;) "KJARTAN, ÞÚ ERT ÓGEÐSLEGUR"!! ´sófinn í herberginu kom víst að góðum notum;)
->Fórum í "supermarket" og keyptum okkur ÓDÝRT áfengi!! ahhhh...
->drukkum þetta merkilega áfengi og fórum svo í Kasbah og vorum toguð inn á skrilljón staði, "free drinks" allsstaðar, ekki er ég að kvarta!!:D
-> Gummi G áreittur af svörtum mellum á hverju horni, "sucky-sucky"!! hahahahaha... -> White-Chocolate!!bwaaaaahahha!!
->held við höfum svo bara farið heim á hótel að sofa svona 3 eða eitthvað...:S

Fimmtudagur:
->vaknaði aftur snemma...
-> minnir að við höfum farið á ströndina, rákumst á brjálaðar svartar sölukerlingar frá svörtustu Afríku... VARÚÐ þær eru hættulegar!.. spurjiði bara Maríu... hehehe
->skellti mér í sjóinn ásamt fleirum, hann var ekki HEITUR!
->svo bara fórum við eitthvert að borða man ekki hvar.. örugglega voða gott...
-> svo allir á blindafyllerý eins og fyrra kvöldið... Scandic bar, The Viking og Keane's bar... mismunandi skemmtilegir;)
->svo þegar við María ákváðum að leggja af stað heim, lentum við í því!! ÞAÐ ELTU OKKUR ÞRJÁR KARLHÓRUR!!! vaaaaa!! Svona litlir asnalegir og perralegir vibbar, að bjóðast til þess að sofa hjá okkur á miðri gangbraut! já nei TAKK!! Við saklausu íslensku sveitastelpurnar afþökkuðum pent og hlupum eins og fætur toguðu á hótelið, en þá vildi ekki betur til en svo að einn hórinn elti okkur og inn í litlu litlu lyftuna!! Var eitthvað að strjúka á mér kinnina og segja e-ð á spænsku, en viti menn, mér tókst að segja honum á spænsku að ég talaði ekki spænsku og svo hlupum við út og inní herbergi... lágum svo á gólfinu í hláturskasti þangað til ég sofnaði á sófanum...

Föstudagur:
-> Fórum á ströndina og eitthvað...
->Svo minnir mig að við höfum farið í Aqualand þennan dag, en það var allavega ÆÐI!! fórum í allskonar sullumbullurennibrautir!... Sirry ruddist fagmannlega í röðinni og við fórum í nánast beina rennibraut og ég hélt ég myndi deyja!!!  Fórum líka í einhverja svona á þar sem allir voru bara að dóla eitthvað en ég nennti því ekki svo við María ákváðum að róa okkur áfram með höndunum en þá skvetti ég óvart PÍNU á eitthvert samkynhneigðasta gerpi semég hef séð og hann varð BRJÁLAÐUR!! ég bara e-ð "Sorry, sorrý" og flýtti mér í burtu:S:S.. úps...
->svo vildu allir fara að fara eftir smá tíma og jájá... ég týndi lyklinum að skápnum okkar en það varð nú í lagi...
->biðum endalaust eftir taxa, komumst svo loksins á hótelið og þá var farið að éta og prufaðir kokteilar...
->Ásgeir plataður í hóruhús, "Are u looking for your friends?" hahahaha
->Sirrý reddaði endalausum fríum drykkjum, svo maður var vel drukkinn, fórum á svaka fancy stað, með hvítum leðursófum og öllu heila klabbinu, fengum frí skot og kampavínsflösku, sem Didda fanst nú sniðugt að hrista og sprauta YFIR ALLAR STELPURNAR!!:D:D hahaha... hitti svona líka vel í augun á Maríu sem varð blind... Sirrý ældi bakvið fína leðursófann of við Helga stálum Tequilaflösku...
->Ég var send upp á hótel með flöskuna og það tókst svona líka vel að Dennis "mamma" hélt að ég ætlaði að fara að drekka hana svona rétt fyrir svefninn og reif hana af mér og læsti inní öryggisskáp!! :P:P "JÁ SÆLL"!!! HAHAHAHAHA... eins og ég hefði eitthvað gert það!!!

Laugardagur:
-> allir fóru drulluþunnir í Go-Kart um eittleytið...
-> það var ÆÐISLEGA GAMAN!! skulum ekkert vera að tala um í hvaða sæti ég lenti, en Helgus tapaði með stæl, og Ásgeir vann, Gummi K í öðru og "Díddí" í þriðja:D hefði alveg verið til í nokkra klukkutíma í viðbót í aðeins betri bíl sem dreif upp brekkuna!!;);)
->Við María komum upp á hótel í adrenalín sjokki dauðans... til í allt, en enginn annar!;) svo ég held við höfum farið í einhverjar búðir og fyllt ísskápinn af vökva;);)
->Ég of þunn til að geta komið niður bita... svo ég svaf á meðan hinir fóru út að borða..
->Kjartan kom ekki einn heim af djamminu, og nei það var ekki stelpa, heldur STEINHELLA!!! hahahahah
->Skellti mér í sund þegar ég kom heim um 4... held að það hafi bara verið fínt... kannski soldið kalt..

Sunnudagur:
->Svaf þvílíkt lengi...
->Borðuðum á Broncemar, það var fínt, samt ekki jafn fínt og á Rimini;)
->Fékk eitt lítið sætt páskaegg frá Gyðu:D takk fyrir það:D:D
->Fórum á ströndina, í búðir og svo á fyllerí um kvöldið... man ekkert hvap við gerðum.. svipað og hina dagana... minnir mig...

Mánudagur:
->Fórum á ströndina í bullandi sandbyl... kom heim með sand í hverri skoru;) hahahaha....
->allir að reyna að sleikja sólina seinasta daginn, nema ég.. þar sem ég verð bara rauð og freknótt!
->Fórum út að borða á Rimini... Fekk ótrúlega góðan mat! nautalundir og svo jarðarberjagúmmelaði í eftirrétt!:S:Dahm!
->Ætlaði að taka því bara rólega... drakk bara smá vodka og svona á hótelinu áður en við fórum... En svo bara.. gleymdi ég því og drakk allt of mikið.. Fórum á Relax, sem er GEGGJAÐUR staður:Dfengum að ráða tónlistinni næstum allan tímann:D allir keyptu sér bol frá staðnum og María KYSSTI SVARTA GAURINN!!! BWAAAHAHAHAHAHA!!! Sá það reyndar ekki en , ég veit að það gerðist!;);)
-> EEEEN svo ætlaði ég barasta heim að sofa í hausinn minn, en það var víst ekki það sem ég gerði.. ->á mjöf bágt með að trúa þvi að ég, LOFTHRÆDD MANNESKJAN, hafi farið að klifra út á þak á hótelinu til að ná í pálmagrein, og hafi þar á eftir skýrt hana PÉTUR og sagt að hann væri kærastinn minn þegar Dennis ætlaði að henda honum út!! ég neita að trúa því!!...
->Trúi því ekki heldur að ég hafi dottið í baðkarið og fest mig!!!:P:P ekki fyndið!!...

...Fórum svo heim seinnipart þriðjudags, geðveikt þreytt en mjög sátt með ferðina:D Gaman gaman!! Svo bara takk takk kærlega til allra sem komu með;) mjööög gaman og skemmtilegt fólk, þó ég hafi ekki þekkt marga marga, þekki þá allavega betur núna;)

En farin að sofa.. vinna og allt þetta venjulega að byrja aftur:D

Brunna Mæja;)

Enn og aftur er ég að blogga.

En skemmtilegt það.

Hef svo sannarlega lent í ýmsu síðustu daga, og gleymt ýmsu líka, t.d. að minnast á það að EYRÚN átti afmæli þann 21 til hamingju með það! svo átti víst hún Margrét Lilja afmæli daginn eftir og ég gleymdi að óska henni til hamingju með það, en geri það hérmeð! Svo má ekki gleyma því að hún Guðbjörg fyrrverandi herbergisfélagi og bakari með meiru átti afmæli þann 29!! hahaha ekki nema 4 ára að mér skilst En ef ég gleymi einhverjum þá bara óska ég þeim samt til lykke

En anyway, þá lenti ég í því skeeemmtilega atviki að það var hreinlega mygið á mig í leikskólanum!! Það var á engan hátt sniðugt, þó svo að litla gerpið sem gerði það hefði skellihlegið eins og það fengi borgað fyrir!! Ég skal finna það í FJÖRU!!!  En það versta við þetta var nú það að það er nóg til af aukafötum á leikskólanum.... á BÖRN SEM ERU 2-6 ÁRA!!! sem sé ekki alveg mín stærð, svo ég varð að gjöra svo vel að vera útmygin restina af deginum!! og það er ógeðslegt!!

Og já, svo var ég að hugga krakka sem var að grenja, og viti menn! litla #$&%="( SNÝTTI sér í PEYSUNA MÍNA!! maaaaammmaaaa!! og eins og gefur að skilja var það ekki heldur mjög eftirsóknarvert... svona grænt og slímugt hor.. bjakk! En svo fórum við með litlu píslin út í veðrið að viðra þau... og þá lenti ég í fyrirsát!... öll litlu krílin sem geta varla meira en að skjögra um í snjósköflunum ákváðu að það væri nú gaman að elta mig þangað til ég gæfist upp og settist í snjóinn, en´þá vildi nú ekki betur til en að öll heila hrúgan lagðist ofan á mig og ég get alveg sagt að það er ekki auðvelt að losna undan svona 6-7 stykkjum af litlum kúkableiju-ninjum! 

En nóg um vinnuna..

Mér gengur held ég bara ágætlega í fjarnáminu, og svo er víst próf á morgun á Skaganum í bók sem ég á ANSI mikið eftir í... eða nei! VÚPS! held að ég hafi verið að lesa vitlausa bók... Ahhh! á held  ég að lesa Harðskafa, ekki refskák hííí... skandall!

En annars eru bara 14 DAGAR Í KANARÝ!! mamma mía!.. og ein í leikskólanum sagði mér í dag: "Ég kem með þér til Úttlanda!!" .. Ég bara: "nei ha?? ætlaru að troða þér í töskuna mína!?"...HÚN: "neihei!! Ég verð í mömmu tösku!" HAHAHAHAHAHAHAHA rúsína...
Annars var það að renna upp fyrir mér að ég er rauðhærð.. og rauðhærðir voru notaðir í hákarlabeitu... HJÁLP!! ég sver að ef ég hef minnsta grun um að það sé hákarl nálægt mer, sem er ekki kæstur og í krukku, þá fer ég sem lengst í burtu!!.. MARÍA, þú verður að bjarga mér ef þeir halda að ég sé sækýr eða eitthvað!!

Annars verð ég nú að fara að endurnýja sunbolinn minn.. er búin að eiga minn síðan í svona 7 bekk eða eitthvað; og já hann er teygjanlegur ehehhe...

En ELSA er að fara að koma heim!! VÍÍÍÍÍÍÍÍÍÍÍI!! Hlakka til að endurheimta hana úr útlegðinni!:D við skulum nú hittast mín kæra:D

En nóg í bili;)

HÉLVÍTIS skítaveður!!!! Það er alveg ótrúlegt hvað þetta veður getur verið ógeðsleeegt!... hélt án gríns að á föstudagskvöldið yrði ég heinilislaus... rokið var svo svakalegt að ég hélt að húsið fyki með öllu heila klabbinu! En það gerði það nú sem betur fer ekki... og morguninn eftir áttu pabbi og Bjölli bró afmæli báðir tveir. Gaman saman.

Er við það að tapa mér hérna heima... sárvantar smá "speis" útaf fyrir mig, þó ekki væri nema stór pappakassi til að skríða í... get ekki einu sinni klætt mig í friði á morgnana!!... svo alltaf vakin um leið og þeir fyrstu fara á fætur, sama hvaða dagur er, svo það er ekki nema vona að ég er þreytt og pirruð...

Leikskólabörnin er kvefuð, og það sést á peysunni minni á hverjum degi, því þau eiga það til elskurnar, að snýta sér í hana ef það er ekkert snýtibréf í næsta nágrenni.... kom heim um daginn og sá þessa líka myndarlegu slummu á öxlinni!en hvernig hún komst þangað, veit ég ekki..

Á öskudaginn mætti ég með svakalega blá hárkollu, skikkju og eitthvað drasl í fésinu, en mundi svo að ég þurftia ð bruna út á skaga um leið og ég var búin í vinnunni!! hahahaha.. ófáir sem spurðu hvað ég væri með í andlitinu!! heheh... dró lítinn krakka á snjóþotu um alla heilu Hvanneyri og svo sungu þau og fengu nammi gott!... alger krútt þessi litlu, ljón, tígrisdýr og fleiri furðuverur:D

Fór í heimsókn hjá ömmu áðan. Ahhhh... fór í fjárhúsin og hitti kindurnar mínar... þær eru svo svalar!!! Hitti líka vinkonu mína hana Auka-Svört, sem þekkti mig alveg og kom hlaupandi til mín til að fá klapp:D svo líka hún Þoka sem mér tókst að spekja í fyrra... hélt að hún myndi nú ekki vilja neitt klapp, en nei hún vildi það sko víst... samt vilja þær hvorugar að fólk sem er þarna á hverjum degi klappi þeim:) þeim líkar víst bara svona vel við mig:D

Er á fullu að plana sumarið, er svolítið mikið fyrir að plana hlutina;) Get ekki gert sjálfri mér það að missa af sauðburðinum, og langar svolítið í Húsafell aftur, en svo er bara hvort þau vilja mig aftur;)
Svo er það barasta Búfræðingurinn næsta haust, en ég veit ekkert hvort ég á að leigja á hvanneyri eða vera heima.. verð örugglega geggjuð ef ég verð heima, en er ég það svosem ekki fyrir??

Hæ hó!

Ég er búin að vera svo agalega bissý að það er bara ekki sniiiðugt! :D samt gaman því þá veit ég að ég fæ eitthvað útborgað;)

Búið að vera mjööög fínt á leikskólanum:D pabbi og fleiri úr björgunarsveitinni voru með "flugeldasýningu" fyrir krakkana á þriðjudaginn:D þeim fannst það æði! eins telpan var að horfa á svona gos, og segir allt í einu "þetta er alveg eins og súrmjólk!!!" ... veit ekki hvaðan í ósköpunum hún hefur það, að flugeldar lýkist á nokkurn hátt súrmjólk!... svo var líka ein í dag sem allt í einu starði bara svona líka á brjóstin á mér og segir svo: "mamma segir að ég fái líka svona brjóstur" BWAAAHAHAHAHA!! ég hélt ég mundi deyja!!:') þau eru svo mikil rassgöt þessi krútt!:P

-> reyndar sofnaði ég í vinnunni í gær.. en það var í lagi því það var bara í svona 5 mínútur og ég var hvort eð er að svæfa krakkana... og gvöði sé lof að þeir sofnuðu;);) samt ekkert skrítið að ég var sovna þreytt... sef sko alllltof lítið!.. fer síðust að sofa og næstfyrst á fætur alllaaa virkaa daagaa!!! og það er sko erfitt fyrir svefnpurku eins og mig!

-> er samt búin að vera svakalega dugleg í dag!! (klapp klapp fyrir mér) :D byrjaði að vinna klukkan 8:15, vann til 15:30 og labbaði svo til mömmu sem var e-r í heimsókn á Hvanneyri, fór heim, tók til dótið mitt og brunaði upp á Klepp, fór í "ræktina" í svona klukkutíma, svo nauðvitað í sturtu og er svo að "vinna" núna... svo ég á eftir að sofna eins og steinn í kvöld!!:D

->er komin inn í amk. einn áfanga:D það er ÍSL 633 í VMA.... svona Barnabókmenntaáfangi... búin að redda mér bókinni hjá einni sem ég vinn með.. sem by the way tók mig á eintal í dag og bað mig að hugsa um það hvort ég vildi ekki fara í leikskólakennarann!! 8) jeminn... þetta er sko önnur konan sem ég vinn með sem spyr mig um þetta, svo ég hlýt að gera eitthvað rétt;) en ég er alveg ákveðin í að fara allavega fyrst í búfræðinginn.. klára hann og sjá svo til:D og jafnvel taka stúdentinn svona með því... en það fer eftir því hvað ég held það lengi út að vera á fullu alla daga...

-> en já... vaknaði um 5 í nótt við að pabbi var að hlaupa út um dyrnar, slökkviliðsútkall. Dauðbrá og hélt fyrst að ég væri að sofa yfir mig... en ekki var þetta nú skárra því það var eldur í húsi á Hvanneyri... maður sem ég veit alveg hver er, já eða öll sveitin held ég bara. Eitthvað skrítið í gangi þar skilst mér. En ég vona að það verði allt í lagi.

En hvað um ÞAÐ... ætla að fara og þykjast gera eitthvað merkilegt, því ég fæ víst borgað fyrir að sitja hér á botninum og horfa á fólk í sundi.

TA-TA!